FELICITACIÓN DE NADAL

FELICITACIÓN DE NADAL

Non  queriamos rematar este trimestre sen desexarvos que pasedes unhas estupendas vacacións e que vos traian moitas cousas os Reis Magos.

Aquí deixamos este vídeo coa nosa felicitación

x

CONVERSA CON GONZALO MOURE

GONZALO MOURE NO ÁGORA

Por mor dunha curiosa casualidade, hai cousa de un mes, no tempo adicado ao proxecto lector na nosa aula, limos todos xuntos un bonito libro: 

PALABRAS DE CARAMELO

Caramelo é un camelo ou quizáis deberíamos dicir "era un camelo" porque tiveron que sacrificalo para alimentar a familia de refuxiados que viven no deserto do Sahara.

Un camelo...  bueno non so un camelo, tamén era un amigo..o amigo do protagonista da historia.

E sempre que queremos lembrar a Caramelo vivo volvemos ler o principio do libro de novo. 

Bueno, o  caso é que por esa estraña casualidade que vos diciamos ao principio, ese libro foi escrito por Gonzalo Moure. E... coñecemos a Gonzalo Moure!!Foi no Ágora o pasado martes 16 de Decembro.

O certo é que foi sorprendente coñecelo. É un home alto vestido de negro pero cun pelo e unha barba totalmente blancas. Si pesase 20 kilos máis podería ser Papá Noel. Falou dos seus libros favoritos e de como a súa nai xa dende antes de que él nacera lle transmitira por unha sorte de máxia xenética o gusto pola lectura.

Foi unha experiencia diferente nunca imaxináramos poder coñecer a alguén que escribira un libro que léramos.

Foi unha experiencia moi bonita. Grazas Gonzalo por adicarnos un pouco do teu tempo.

FARIÑA, OVOS, MANTEIGA....DOCES, DOCES E MÁIS DOCES

FARIÑA, OVOS, MANTEIGA....DOCES, DOCES E MÁIS DOCES

Unha semana antes do comezo das vacacións de Nadal imos converter a nosa aula nunha estupenda cociña.

Entre ingredientes, utensilios e receitas tentaremos de preparar unhas deliciosas galletas, unhas madalenas, un biscoito e un plum cake.

Despois da primeira fase do proxecto RECEITAS na que fixemos unha planificación dos elementos que íamos precisar agora afrontamos a parte máis doce que é a de mercar os ingredientes, conquerir os utensilios precisos e poñer mans na masa....

Estade moi atentos ao noso blogs xa que proximamente colgaremos fotos do proceso de elaboración e do resultado das receitas.

Lamentamos que non poidades probar os nosos doces pero non vos preocupedes vos iremos contando a que saben....

Mentres para que vos entreteñades aquí vos deixamos un xogo sobre cociña.

BOA SORTE!!!!!

http://www.mediometro.com/juego-cocinar-pasteles-chocolate.html

FÉNIX

FÉNIX

Traballando con distintas palabras atopámonos cunha que nos chamou a atención: FÉNIX.

Decidimos buscar información na Internet e atopamos unha chea de cousas. As que poñemos aquí son as que máis nos chamaron a atención:

• É unha ave mitolóxica. 
• Aparece nas culturas orientais.
• Vive 500 anos ao remate dos cales constrúe un niño con herbas e madeiras aromáticas e pon un ovo. Cando pasan tres días quentando o ovo fai unha chispa coas plumas e arde o niño. Entón xurde de novo a ave que vivirá outros 500 anos.
• Ten unha plumaxe vermella, amarela e laranxa que fai lembrar as cores do lume.
• É un ser eterno que se renova cada 500 anos. 

Temos pena de que esta ave non sexa real para podela ver. Ahí vos deixamos algunhas imaxes deste estraordinario paxaro.

NOVA TRISTE

NOVA TRISTE

Fai uns días decatámonos de que un dos nosos peixes non tiña forza. A corrente que provoca o filtro no acuario arrastrábao, quedábase suxeito á parte inferior do filtro, agochábase nun curruncho da pecera e tiña a cor do seu corpo máis pálida. Soubemos que estaba enfermo e por iso lle demos unha menciña por ver se se salvaba. O pasado venres unha pequena esperanza añiñou  nos nosos corazóns porque cando lle demos a comida nadou e comiu algo.

Máis... foi un espellismo. Hoxe ao rematar a ponte das vacacións descobrimos que o peixe estaba morto.

Para evitar que se contaminase a auga e corresen perigo os outros peixes quitámolo da peceira.

Sentimos moita tristura porque era o único peixe o que lle puxéramos nome e xa era parte da familia da nosa clase.

Esperamos e desexamos que os outros estean ben.

Durante as vacacións de Nadal temos que darlles unha pastilla para que se alimenten mentres non vimos ao cole.

Xa vos contaremos que pasa.